ખુલ્લી કિતાબ છું

હું છું સવાલ સહેલો,ને અઘરો જવાબ છું;
ને હુ સમય ના હાથની ખુલ્લી કિતાબ છું.

એક યારની ગલી ,બીજી પરવરદિગારની;
ના ત્યાં સફળ હતો,ના અહીં કામિયાબ છું.

પૂછો ના કેમ સાંપડે ગઝલો તણો મિજાઝ;
ફૂલોની મ્હેક છું,અને જૂનો શરાબ છું.

રબ ની દુહાઇ ના દે  નિગાહબાને-દીન તું;
તુજથી વધારે સાફ છું,એહલે-શરાબ છું.

જીવ્યાનો એ મિજાઝ,ને મરવાનો એ રુઆબ;
લાખો રિયાસતો નો બસ એક જ નવાબ છું.

         

                                        —ડૉ.ફિરદૌસ દેખૈયા